საქართველოში კორონავირუსისგან 12 ადამიანი გამოჯანმრთელდა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე ცოტა ხნის წინ განახლდა.
ვებგვერდის მონაცემებით, ქვეყანაში „კოვიდ-19“-სგან გამოჯანმრთელებულთა საერთო რაოდენობა 1 381-ს შეადგენს.
ამასთან, დღეს საქართველოში კორონავირუსის 170 ახალი შემთხვევა გამოვლინდა. ქვეყანაში ამ დროისთვის 2 562 შემთხვევაა დადასტურებული.
კორონავირუსის შედეგად, ქვეყანაში 19 პაციენტი გარდაიცვალა.
კარანტინის რეჟიმში იმყოფება 6 633 მოქალაქე, ხოლო სტაციონარში მეთვალყურეობას 836 ადამიანი გადის.
ამასთან, უცხოეთიდან სამკურნალოდ გადმოყვანილია საქართველოს 41 მოქალაქე.