საქართველოში კორონავირუსის ახალი შემთხვევებიდან 230 აჭარაში, 134 კი თბილისში დაფიქსირდა

თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, საქართველოში გამოვლენილი კორონავირუსის 472 ახალი შემთხვევიდან 230 აჭარაში, 134 კი თბილისში დაფიქსირდა.

დანარჩენი შემთხვევები სხვა რეგიონებზე ნაწილდება.

„472 ახალი შემთხვევა დაფიქსირდა, გამოჯანმრთელდა 318 პაციენტი. შემცირდა აჭარაში ახალი შემთხვევების რაოდენობა, ამჟამად 49 პროცდენტია მხოლოდ, რაც შეესაბამება 230 პაციენტს, თუმცასაყურადღებოა, რომ თბილისში იმატებს შემთხვევები, 28 პროცენტია უკვე ინფიცირებულების – 134 შემთხვევა, იმერეთში – 68 ახალი შემთხვევა, სამცხე-ჯავახეთში, ქვემო ქართლსა და სამეგრელო-ზემო სვანეთში 8-8 შემთხვევა, შიდა ქართლში – ექვსი, კახეთსა და მცხეთა მთიანეთში -5 -5“, – განაცხადა ენდელაძემ.

მარინა ენდელაძის ინფორმაციით, მკურნალობის ეტაპზე მყოფი კორონავირუსით ინფიცირებული

4672 პაციენტიდან 60-ს მდგომარეობა კრიტიკულია, აქედან 59 მართვით სუნთქვაზე იმყოფება. მარინა ენდელაძის განმარტებით, ცხრა პაციენტი ოკუპირებული აფხაზეთის ტერიტორიიდანაა გადმოყვანილი.

banner
წინა სტატიაშისაქართველოში კორონავირუსით კიდევ 3 პაციენტი გარდაიცვალა
შემდეგი სტატიამკურნალობის ეტაპზე მყოფი კორონავირუსით ინფიცირებული პაციენტებიდან, 60-ის მდგომარეობა კრიტიკულია