საქართველოში კორონავირუსის 1 881 ახალი შემთხვევა გამოვლინდა, გამოჯანმრთელდა 1 515 პაციენტი

საქართველოში კორონავირუსის 1 881 ახალი შემთხვევა გამოვლინდა. ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა.

მისივე ცნობით, ქვეყანაში ბოლო 24 საათში 1 515 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 37 პაციენტი.

საქართველოში კორონავირუსით ინფიცირების სულ 218 724 შემთხვევაა გამოვლენილი, მათგან 196 220 გამოჯანმრთელდა, 2 313 კი გარდაიცვალა.

ბოლო 24 საათში ჩატარდა 13 655 კვლევა ტესტით, მათ შორის ანტიგენის სწრაფი ტესტით – 6 747, PCR ტესტით – 6 908.

კარანტინის რეჟიმში ამ დროისთვის 396 მოქალაქე იმყოფება, სტაციონარში მეთვალყურეობის ქვეშ –5 969, ხოლო კოვიდსასტუმროში – 1 542.

banner
წინა სტატიაშიარჩილ თალაკვაძე შობას ულოცავს საქართველოს მოქალაქეებს, რომლებიც დღესასწაულს დღეს აღნიშნავენ
შემდეგი სტატიასაქართველოში კორონავირუსით 37 პაციენტი გარდაიცვალა