სინოპტიკოსების ცნობით ხვალიდან საქართველოს მთელ ტერიტორიაზე გამოიდარებს. გარემოს ეროვნული სააგენტოს ინფორმაციით, დასავლეთ საქართველოში ტემპერატურა +24 გრადუსს, ხოლო აღმოსავლეთში +18 გრადუსს მიაღწევს.
უნალექო ამინდი 11 ნოემბრის ჩათვლით შენარჩუნდება, დასავლეთ საქართველოში, ჰაერის მაქსიმალური ტემპერატურა 10-11 ნოემბერს +22-24 გრადუსს მიაღწევს. თუმცა ამ პერიოდში აღმოსავლეთ და სამხრეთ მაღალმთიანეთში მოსალოდნელია ყინვა.
რაც შეეხება თბილისს, ორშაბათს +15 გრადუსია მოსალოდნელი, ხოლო 8 ნოემბრიდან 11 ნოემბრის ჩათვლით, ტემპერატურა +20-22 გრადუსს მიაღწევს.