საქართველოში დღეს დედაენის დღე აღინიშნება

თაიმერი timer.ge
: თაიმერი timer.ge აპრილი 14, 2019 16:35

საქართველოში დღეს დედაენის დღე აღინიშნება

14 აპრილი დღეა, როდესაც ქართველმა ერმა გამოიჩინა ერთსულოვნება, დაგვეცვა ჩვენი თვითმყოფადობა, ვინაიდან ჩვენი ენა არის ქართული თვითმყოფადობისა და იდენტობის განუყოფელი ნაწილი, – ამის შესახებ საქართველოს პრემიერ-მინისტრმა მამუკა ბახტაძემ ივანე ჯავახიშვილის სახელობის თბილისის სახელმწიფო უნივერსიტეტში ქართული ენის დღისადმი მიძღვნილი კვირეულის გახსნაზე განაცხადა.

„განსაკუთრებულად მივესალმები ჩვენს ახალგაზრდებსა და მოზარდებს. ჩვენი მრავალსაუკუნოვანი ისტორია, ეს გახლავთ ისტორია ბრძოლისა თავისუფლებისთვის და ჩვენი თვითმყოფადობის შენარჩუნებისთვის. ჩემთვის პირადად 1978 წლის 14 აპრილი სწორედ ასეთი თარიღია, თარიღია, როდესაც ქართველმა ერმა გამოიჩინა ერთსულოვნება, რომ დაგვეცვა ჩვენი თვითმყოფადობა, ვინაიდან ჩვენი ენა არის ქართული თვითმყოფადობისა და ქართული იდენტობის განუყოფელი ნაწილი.

თითოეულმა თქვეგანმა იცის, რომ განათლება არის ჩვენი პრიორიტეტი, ეროვნული იდეა, რომელიც დაგვეხმარება საქართველოს წინაშე არსებული ყველა გამოწვევის დამარცხებაში. ქართულ ენას, მისი სიწმინდის შენარჩუნებას ამ ეროვნულ იდეაში აქვს განსაკუთრებული და ყველაზე მნიშვნელოვანი როლი“, – განაცხადა მამუკა ბახტაძემ.

საქართველოში დღეს დედაენის დღე აღინიშნება. ეს დღე 1978 წლის 14 აპრილის მოვლენების აღსანიშნავად 1990 წლიდან დაწესდა. 1978 წლის 14 აპრილს თბილისში გამართულმა გრანდიოზულმა საპროტესტო გამოსვლამ ქართულ ენას სახელმწიფო ენის სტატუსი შეუნარჩუნა და ხელი შეუშალა საბჭოთა ხელმძღვანელობას, საბჭოთა საქართველოს კონსტიტუციაში სახელმწიფო ენის შესახებ მუხლი გამქრალიყო.

თარიღთან დაკავშირებით, ქვეყნის მასშტაბით სხვადასხვა ღონისძიებაა დაგეგმილი.

თაიმერი timer.ge
: თაიმერი timer.ge აპრილი 14, 2019 16:35

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

შედეგის ნახვა

Google სტატისტიკა


10,172
ვიზიტორი
დღეში
Powered By Google Analytics