საქართველოში დაგეგმილი არჩევნების გამო, ცხინვალის საოკუპაციო რეჟიმი ე.წ. საზღვარს ჩაკეტავს. ამის შესახებ ინფორმაციას საოკუპაციო რეჟიმის ე.წ. სახელმწიფო უსაფრთხოების კომიტეტი ავრცელებს.
„საქართველოში დაგეგმილი საპრეზიდენტო არჩევნებისა და გაძლიერებული უსაფრთხოების ნორმების გამო, 27 ოქტომბერს, საღამოს 20:00 საათიდან მოქალაქეებს სამხრეთ ოსეთის და საქართველოს საზღვრის გამარტივებული წესით კვეთის პუნქტებზე არ გაატარებენ“, – ნათქვამია განცხადებაში.
როგორც ცხინვალის საოკუპაციო რეჟიმის წარმომადგენლები ამბობენ, ე.წ. საზღვარზე ჩვეული რეჟიმი 29 ოქტომბერს, დილის 06:00 საათზე აღდგება.
