თბილისის სასამართლომ ლტოლვილთა და განსახლების სამინისტროს გადაწყვეტილებას მხარი დაუჭირა და ჩეჩენ ტუსმო აბდურახმანოვს თავშესაფარზე უარი უთხრა. სამინისტრომ გადაწყვეტილება გასული წლის 31 ოქტომბერს მიიღო იმ მოტივაციით, რომ “არსებობს სერიოზული საფუძველი იმისი, რომ აბდურახმანოვის ქვეყანაში ყოფნა, სხვადასხვა გარემოებებიდან გამომდინარე, მის (საქართველოს-რედ) ინტერესებს ეწინააღმდეგება”.
ტუსმო აბდურახმანოვს ჩეჩნეთის ძალოვან სტრუქტურებთან პრობლემები მას შემდეგ შეექმნა, რაც მან ჩეჩნეთის პრეზიდენტ რამზან კადიროვის კორტეჟს გზა არ დაუთმო.
