26 ივნისს საქართველოში ავსტრიის საგარეო საქმეთა მინისტრი, ალექსანდერ შალენბერგი, ლიეტუვის საგარეო საქმეთა მინისტრი, გაბრილიუს ლანდსბერგისი და რუმინეთის საგარეო საქმეთა მინისტრი, ბოგდან აურესკო ჩამოვლენ.
მინისტრები ევროკავშირის უმაღლესი წარმომადგენლის, ჯოზეფ ბორელის მანდატით, 25-26 ივნისს, სამხრეთ კავკასიის სამ ქვეყანას სომხეთს, აზერბაიჯანსა და საქართველოს ეწვევიან.
საქართველოში ვიზიტის ფარგლებში მინისტრები პრემიერ ღარიბაშვილს შეხვდებიან.
შეხვედრების დასრულების შემდეგ, 26 ივნისს, კი თბილისში, ევროკავშირის დელეგაციის ოფისში პრესკონფერენციას გამართავენ.