საქართველოში 266 636 პენსიონერსა და სოციალური შემწეობის მიმღებს აქვს საპენსიო სესხი – სესხის ჯამური ოდენობა 497 790 386 ლარს შეადგენს. ინფორმაციას ბათუმელები “ლიბერთი ბანკის” მიერ ეროვნულ ბანკში წარდგენილი 2026 წლის პირველი კვარტლის ფინანსურ ანგარიშზე დაყრდნობით ავრცელებს და წერს, რომ გასული წლის ანალოგიურ პერიოდთან შედარებით, სესხის ამღებთა რიცხოვნობა მნიშვნელოვნადაა შემცირებული.
კერძოდ, 2025 წლის პირველ კვარტალში საპენსიო სესხით 286 877 პენსიონერი და სოციალური შემწეობის მიმღები სარგებლობდა, თუმცა მათზე გაცემული სესხების ჯამური ოდენობა 432 691 925 ლარი იყო.
