საქართველოს სხვადასხვა ქალაქში 10-მდე სავაჭრო ობიექტის გაქურდვის ფაქტზე სამი პირი დააკავეს, მათ შორის ერთი არასრულწლოვანი

თაიმერი timer.ge
ავტ.: თაიმერი timer.ge იანვარი 31, 2019 10:51

საქართველოს სხვადასხვა ქალაქში 10-მდე სავაჭრო ობიექტის გაქურდვის ფაქტზე სამი პირი დააკავეს, მათ შორის ერთი არასრულწლოვანი

საქართველოს შინაგან საქმეთა სამინისტროს თანამშრომლებმა ქუთაისში სამი პირი დააკავეს, რომლებმაც სხვადასხვა დროს ბორჯომსა და ქუთაისში 10-მდე სავაჭრო ობიექტი გაქურდეს, – ამის შესახებ ინფორმაციას საქართველოს შინაგან საქმეთა სამინისტრო ავრცელებს.

„სამცხე-ჯავახეთის პოლიციის დეპარტამენტის თანამშრომლების მიერ ჩატარებული ოპერატიულ-საგამოძიებო ღონისძიებებით დადგინდა, რომ 2000 წელს დაბადებულმა ლ.ჯ.-მ და პირობითი მსჯავრის ქვეშ მყოფმა ორმა პირმა – 2000 წელს დაბადებულმა გ.მ.-მ და 2003 წელს დაბადებულმა მ.ჯ.-მ მიმდინარე წლის 21 იანვარს ქალაქ ბორჯომში, ჭავჭავაძის ქუჩაზე მდებარე სასურსათო მაღაზია გაქურდეს და შემთხვევის ადგილიდან მიიმალნენ.

ასევე, გამოძიებით დადგინდა, რომ ბორჯომში ჩადენილი დანაშაულის გარდა, არასრულწლოვანმა მ.ჯ.-მ, თანმხლებ პირებთან ერთად, ქუთაისში ექვსი სავაჭრო ობიექტი გაქურდა. ისინი აღნიშნულ ობიექტებიდან სხვადასხვა ნივთებს და ფულს იპარავდნენ, რის შემდეგაც შემთხვევის ადგილს ტოვებდნენ“, – აცხადებენ შსს-ში.

უწყების ცნობით, პოლიციამ სამივე პირი, სასამართლოს განჩინების საფუძველზე, 29 იანვარს ქუთაისში დააკავა.

გამოძიება საქართველოს სისხლის სამართლის კოდექსის 177-ე მუხლის მესამე ნაწილის „ა“ ქვეპუნქტით მიმდინარეობს, რაც წინასწარი შეთანხმებით ჯგუფის მიერ ჩადენილ ქურდობას გულისხმობს. დანაშაული

ოთხიდან შვიდ წლამდე თავისუფლების აღკვეთას ითვალისწინებს.

თაიმერი timer.ge
ავტ.: თაიმერი timer.ge იანვარი 31, 2019 10:51

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,774
ვიზიტორი
დღეში
Powered By Google Analytics