საქართველოს შეუძლია ევროკავშირის გვერდში დგომის იმედი ჰქონდეს

საქართველოში ევროკავშირის ელჩი პაველ ჰერჩინსკი საქართველოს ადამიანის უფლებათა დაცვის დღეს ულოცავს.

განცხადებაში, რომელსაც საქართველოში ევროკავშირის ოფისი ავრცელებს, წერია რომ საქართველოს შეუძლია ევროკავშირის გვერდში დგომის იმედი ჰქონდეს:

„ადამიანის უფლებების დაცვა ევროკავშირის საფუძველია. ამ ხედვის რეალობად ქცევის ძალისხმევა ევროკავშირის გაფართოების პროცესის ნაწილია და საქართველოს მიერ ევროკავშირში გაწევრიანების გზაზე გადასადგმელი ცხრა ნაბიჯიდან ერთ-ერთი.

საქართველოსთვის კანდიდატის სტატუსის მინიჭების რეკომენდაცია ისტორიულია. მას თან ახლავს ადამიანის უფლებების დაცვის (რომელსაც დღეს ვზეიმობთ) გაუმჯობესების პასუხისმგებლობა. შეგიძლიათ ევროკავშირის გვერდში დგომის იმედი გქონდეთ, თქვენი ფუნდამენტური უფლებების დასაცავად“, – წერია განცხადებაში.

10 დეკემბერი, ადამიანის უფლებათა დაცვის დღე მსოფლიოში 1948 წლიდან აღინიშნება. ამ დღეს გაეროს გენერალურ ასამბლეაზე ადამიანის უფლებათა დაცვის საერთაშორისო დეკლარაცია მიიღეს. დეკლარაცია ეხება როგორც სამოქალაქო და პოლიტიკურ, ისე ეკონომიკურ, სოციალურ და კულტურულ უფლებებს.

banner
წინა სტატიაშისააკაშვილი: საარჩევნო სია „გამარჯვების კოალიციამ“ და „ნაციონალურმა მოძრაობამ“ ერთად უნდა ჩამოაყალიბონ, ფართოდ გავშლით ჩვენს ხედვას
შემდეგი სტატია10 დეკემბერს მსოფლიო ადამიანის უფლებათა დაცვის საერთაშორისო დღეს აღნიშნავს