საქართველოს სამეფო კლუბი საპარლამენტო მონარქიის დაწესების ინიციატივით ბიძინა ივანიშვილს მიმართავს და საკონსტიტუციო ცვლილებების განხორციელებას სთხოვს. როგორც კლუბის სპიკერი გაიოზ მამალაძე ამბობს, “ქართულ ოცნებაში” ივანიშვილის პოზიციას გაითვალისწინებენ.
„დღეს საპარლამენტო მონარქიის იდეა უკვე მომწიფებულია, ფაქტობრივად მისულია საქმე იქამდე, რომ ცერემონიალური და სიმბოლური მმართველობა პრეზიდენტის მაგივრად, უფრო იაფ მმართველს, უფრო მეტად დემოკრატიულს და უფრო მეტად ყველასათვის მისაღებს გადაეცეს, ეს იქნება მეფე,“- განაცხადა საქართველოს სამეფო კლუბის სპიკერმა გაიოზ მამალაძემ.
