საქართველოს პრეზიდენტის სომხეთში ოფიციალური ვიზიტი დაიწყო. სალომე ზურაბიშვილს ქალაქ ერევნის ზვართნოცის საერთაშორისო აეროპორტში სომხეთის ვიცე-პრემიერი ტიგრან ავინიანი, საქართველოს საგანგებო და სრულუფლებიანი ელჩი სომხეთის რესპუბლიკაში გიორგი საგანელიძე და სხვა ოფიციალური პირები დახვდნენ.
პრეზიდენტი ერევანში სომხეთის რესპუბლიკის პრეზიდენტს არმენ სარქსიანს პირისპირ და გაფართოებულ ფორმატში შეხვდება, რის შემდეგაც პრეზიდენტები მედიისათვის განცხადებებს გააკეთებენ.
დაგეგმილია შეხვედრები ასევე, სომხეთის რესპუბლიკის პრემიერ-მინისტრ ნიკოლ ფაშინიანთან და ეროვნული ასამბლეის თავმჯდომარე არარატ მირზოიანთან.