საქართველოს პარლამენტმა პატიმრობაში მყოფი უკრაინელი მფრინავის, ნადეჟდა სავჩენკოს მხარდამჭერი რეზოლუცია მიიღო.
ნადეჟდა სავჩენკოს პატიმრობის შესახებ რეზოლუციის პროექტი ”თავისუფალმა დემოკრატებმა” მოამზადეს.
საქართველოს პარლამენტში კენჭისყრის დროს რეზოლუციის პროექტს 85 დეპუტატმა დაუჭირა მხარი.
დოკუმეტის მიხედვით, საქართველოს პარლამენტი რუსეთის ხელისუფლებას მოუწოდებს, დაუყოვნებლივ გაათავისუფლოს ნადეჟდა სავჩენკო და უკანონოდ დაკავებული უკრაინის სხვა მოქალაქეები ან გადასცეს ისინი უკრაინას.
პროექტის მიხედვით, ასევე არ უნდა იქნას დაშვებული სავჩენკოსა და სხვა უკანონოდ დაკავებული უკრაინის მოქალაქეების მძევლად გადაქცევა, მათი სიცოცხლისათვის საფრთხის შექმნა და ფუნდამენტური უფლებების დარღვევა.
