საქართველოს ეროვნულმა საფეხბურთო ნაკრებმა მადრიდში ევროპის მოქმედ ჩემპიონს, ესპანეთის ნაკრებს 1:0 მოუგო.
ამხანაგურ მატჩში გოლი თამაშის მე-40 წუთზე თორნიკე ოქრიაშვილმა გაიტანა.
ესპანეთის ნაკრები მოედანზე ასეთი შემადგენლობით გავიდა – დე ხეა, ხუანფრანი, პიკე, რამოსი, ალბა, ბუსკეტსი, ტიაგო, ვასკესი, ფაბრეგასი, ნოლიტო, ადურისი. მთავარი მწვრთნელი: ვისენტე დელ ბოსკე.
საქართველოს ნაკრების შემადგენლობა კი ასეთი იყო – რევიშვილი, ლობჟანიძე, კვერკველია, კაშია, ამისულაშვილი, ნავალოვსკი, აბურჯანია, ჯიღაური, ყაზაიშვილი, ოქრიაშვილი, დვალიშვილი. მთავარი მწვრთნელი: ვლადიმერ ვაისი.
წინა ამხანაგური თამაში საქართველოს ნაკრებმა რუმინელებთან 5:1 წააგო.
