საქართველოს მასშტაბით სასაფლაოებზე შესვლის აკრძალვა დღესაც იმოქმედებს

საქართველოს მასშტაბით სასაფლაოებზე შესვლის აკრძალვა დღესაც იმოქმედებს. შეზღუდვა 2 მაისიდან ამოქმედდა და ძალაში 4 მაისამდე იქნება.

გადაწყვეტილება უწყებათაშორისმა საკოორდინაციო საბჭომ სადღესასწაულო დღეებში კორონავირუსის გავრცელების საპრევენციო ღონისძიებების ფარგლებში მიიღო.

აკრძალვა არ ვრცელდება მხოლოდ დაკრძალვის პროცესზე.

როგორც შინაგან საქმეთა სამინისტროში აცხადებენ, მათი დანაყოფები საქართველოს მთელ ტერიტორიაზე, სასაფლაოებთან მისასვლელ გზებსა და დაწესებული რეგულაციების აღსრულების პროცესს ინტენსიურ რეჟიმში აკონტროლებენ. მათივე ცნობით, პოლიციის თანამშრომლები არსებული რეგულაციების კონტროლს ახორციელებენ როგორც დედაქალაქში, ისე რეგიონებში არსებულ სასაფლაოებზე.

ამასთან, შსს-ში აღნიშნავენ, რომ სასაფლაოებზე შესვლის აკრძალვის დამრღვევი პირი 2 000 ლარით დაჯარიმდება.

banner
წინა სტატიაშიზუგდიდში, ელექტროანძაზე ასული ახალგაზრდა კაცი უვნებლად ჩამოიყვანეს, დენის მიწოდება აღდგა
შემდეგი სტატიადღეიდან 12 მაისის ჩათვლით საქართველოს მასშტაბით მუნიციპალური ტრანსპორტი არ იმოძრავებს