საქართველოს განათლებისა და მეცნიერების მინისტრის მოადგილის, ლია გიგაურის ინფორმაციით, საქართველოს მასშტაბით 42 სკოლაში სასწავლო პროცესი შეწყვეტილია და ამის მიზეზი რთული მეტეოროლოგიური პირობებია:
”მეტეოროლოგიური მდგომარეობის გამო გართულდა იმ რაიონებში ელექტროენერგიის მიწოდება, რაზეც დამოკიდებულია სკოლის გათბობის სისტემა, შესაბამისად, სკოლებმა მიიღეს გადაწყვეტილება ელექტროენერგიის მიწოდების აღდგენამდე, სასწავლო პროცესი დროებით შეეწყვიტათ”, – განაცხადა ლია გიგაურმა.