საქართველოს ირლანდიის რესპუბლიკის სენატის თავმჯდომარე ეწვევა

თაიმერი timer.ge
ავტ.: თაიმერი timer.ge ოქტომბერი 29, 2017 16:23

საქართველოს ირლანდიის რესპუბლიკის სენატის თავმჯდომარე ეწვევა

 

30 ოქტომბერს, საქართველოს ოფიციალური ვიზიტით ირლანდიის რესპუბლიკის სენატის თავმჯდომარე, დენის ო’დონოვანი ეწვევა.

ვიზიტის პირველ დღეს, 30 ოქტომბერს 14.00 საათზე ირლანდიელი სტუმარი პირველ შეხვედრას ქართველ კოლეგასთან, საქართველოს პარლამენტის თავმჯდომარე, ირაკლი კობახიძესთან გამართავს. შეხვედრის შემდეგ საკანონმდებლო ორგანოს ხელმძღვანელები მედიისთვის ერთობლივ განცხადებას გააკეთებენ.

ვიზიტის ფარგლებში ირლანდიის რესპუბლიკის სენატის თავმჯდომარე და დელეგაციის წევრები საქართველოს პრეზიდენტს, გიორგი მარგველაშვილს, პრემიერ-მინისტრს, გიორგი კვირიკაშვილს, საგარეო საქმეთა მინისტრს, მიხეილ ჯანელიძეს და ეკონომიკისა და მდგრადი განვითარების მინისტრს, გიორგი გახარიას შეხვდებიან. დაგეგმილია შეხვედრა ევროკავშირი-საქართველოს ბიზნეს საბჭოს გენერალურ მდივან, ზვიად ჭუმბურიძესთან.

ოფიციალური შეხვედრების პარალელურად ირლანდიის რესპუბლიკის სენატის თავმჯდომარე და დელეგაციის წევრები ადმინისტრაციულ საზღვარზე სოფელ ხურვალეთთან მდებარე მავთულხლართებს მოინახულებს.

ვიზიტის ფარგლებში სტუმრები საქართველოს ეროვნულ მუზეუმს, თბილისის, მცხეთის და სიღნაღის ღირსშესანიშნაობებს  დაათვალიერებენ.

თაიმერი timer.ge
ავტ.: თაიმერი timer.ge ოქტომბერი 29, 2017 16:23

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,285
ვიზიტორი
დღეში
Powered By Google Analytics