საქართველოს გენერალური პროკურორის მოადგილემ, ნათია მერებაშვილმა თანამდებობა დატოვა. არსებული ინფორმაციით, მიზეზად მან რეჟიმის ანტიდემოკრატიული და რეპრესიული პოლიტიკა დაასახელა.
ნათია მერებაშვილი პროკურატურაში 18 წელი მუშაობდა, ბოლო ხუთი წელი კი გენერალური პროკურორის მოადგილის პოსტს იკავებდა.
ამ დროისთვის, გენერალურ პროკურატურაში აღნიშნულ საკითხთან დაკავშირებით განმარტება არ გაკეთებულა.
