საქართველოსა და უკრაინის მოქალაქეებისათვის ვიზალიბერალიზაციის შესახებ გადაწყვეტილება, შესაძლებელია 2017 წლის თებერვალ-მარტისთვის გადაიწიოს – “რადიო თავისუფლების” კორესპონდენტი ბრიუსელში რიკარდ იოზვიაკი “ტვიტერის” საკუთარ ბლოგზე წერს.
“უვიზო რეჟიმის შეჩერების შესახებ მექანიზმებზე მუშაობა მომდევნო კვირას გაგრძელდება. ვფიქრობ, საქართველო-უკრაინის ვიზალიბერალიზაციას თებერვალ-მარტამდე ვერ ვიხილავთ” – დაწერა ჟურნალისტმა.
საქართველოსა და უკრაინის მთავრობებისთვის საკუთარი მოქალაქეებისათვის ვიზალიბერალიზაციის შემოღება საგარეო პოლიტიკის ერთ-ერთი მნიშვნელოვანი მიზანია.