საქართველოს ბანკმა ადგილობრივი ქართული მცირე საწარმოებისთვის Secret Santa 2018-ის ფარგლებში სპეციალური პლათფორმა შექმნა

ქეთი ფერაძე
ავტ.: ქეთი ფერაძე ნოემბერი 1, 2017 12:00

საქართველოს ბანკმა ადგილობრივი ქართული მცირე საწარმოებისთვის Secret Santa 2018-ის ფარგლებში სპეციალური პლათფორმა შექმნა

საქართველოს ბანკმა, საქართველოს წამყვანმა ბანკმა, ადგილობრივი მცირე მეწარმეებისთვის სპეციალური პლათფორმის www.business.secretsanta.ge შექმნის შესახებ განაცხადა. აღნიშნული პლათფორმა საყოველთაო Sceret Santa 2018-ის (იდუმალი სანტა) პროექტის ფარგლებში ხორციელდება. Sceret Santa 2018-ი ადგილობრივი მცირე მეწარმეების ხელშეწყობას გულისხმობს და მიზნად ისახავს საახალწლოდ Secret Santa 2018-ის რაც შეიძლება მეტ მონაწილეს ქართული პროდუქცია გააცნოს.

ყველას ვისაც აქვს ადგილობრივი ბიზნესი და აწარმოებს ქართულ პროდუქციას, შესაძლებლობა აქვს ეწვიოს და დარეგისტრირდეს პლათფორმაზე www.business.secretsanta.ge, ჩაერთოს Secret Santa 2018-ის სახელოსნოში და შეთავაზოს საქართველოს იდუმალ სანტებს საახალწლო საჩუქრები.

აღსანიშნავია, რომ საყოველთაო Secret Santa, საქართველოს ბანკისა და საქართველოს ფოსტის თანამშრომლობით შარშან პირველად განხორციელდა და პროექტში მთელი საქართველოს მასშტაბით 60 ათასზე მეტი ადამიანი ჩაერთო. საყოველთაო Secret Santa-ს იდეა ეფუძნება საქართველოში უკვე კარგად ნაცნობ საახალწლო ტრადიციას, რომლის თანახმადაც შარშან, პროექტში მონაწილე ადამიანებმა მათთვის სრულიად უცნობ ადამიანებს საჩუქრები გაუგზავნეს და თავადაც მიიღეს. წელს იდუმალ სანტებს შესაძლებლობა ექნებათ რაც შეიძლება მეტი ქართული საჩუქარი აჩუქონ თავიანთ ადრესატებს და ამით ხელი შეუწყონ ქართული წარმოების წინსვლასა და განვითარებას. Secret Santa 2018-ი 1-ელ დეკემბერს დაიწყება და შარშანდელთან შედარებით პროექტის ფარგლებში 3-ჯერ მეტი საჩუქარი გაიგზავნება. დამატებითი ინფორმაცია შეგიძლიათ იხილოთ: www.business.secretsanta.ge

ქეთი ფერაძე
ავტ.: ქეთი ფერაძე ნოემბერი 1, 2017 12:00

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,597
ვიზიტორი
დღეში
Powered By Google Analytics