საქართველოს ახალგაზრდული პარლამენტის წევრები 9 აპრილს ქარელის რაიონის სოფელ ატოცში ავიდნენ.
“რუსეთი ოკუპანტია!”, “თავისუფლება სულს ისე მოსწყურდა…”, “მოვითხოვთ დეოკუპაციას!” – სტუდენტებს ეს და სხვა პლაკატები ეჭირათ.
ანტიოკუპაციური მოძრაობის “ძალა ერთობაშია” ლიდერი დავით ქაცარავა სტუდენტებს ატოცის პრეცენდენტის მნიშვნელობაზე ესაუბრა, საოკუპაციო ზოლთან გაიყვანა და ისინი ჯგუფის ყოველდღიურ პატრულირებაში ჩართო.
შედარებისთვის: 2018 წლის 7 ნოემბრიდან, ანუ, ატოცში რუსული ბორდერიზაციის შეჩერებიდან დღემდე ამ სოფელში საქართველოს მოქმედი პარლამენტის მხოლოდ რამდენიმე წევრი (უმცირესობიდან) მივიდა.
