„საქართველოს აეროპორტების გაერთიანება“ არ ადასტურებს მედასაშუალებებში გავრცელებულ ინფორმაციას ირლანდიური დაბალბიუჯეტიანი ავიაკომპანია Ryanair-ის საქართველოში ამ ეტაპზე შემოსვლასთან დაკავშირებით.
„ავიაკომპანიასთან მუდმივად მიმდინარეობს მუშაობა, მაგრამ ამ ეტაპზე საქართველოს ბაზარზე შემოსვლასთან დაკავშირებით სიახლე არ გვაქვს“ – ნათქვამია „საქართველოს აეროპორტების გაერთიანების“ განცხადებაში.
შეგახსენებთ, რომ რამდენიმე დღის წინ სხვადასხვა მედიასაშუალებებში გავრცელდა ინფორმაცია, რომ ავიაკომპანიის საქართველოში შესაძლო შემოსვლის შესახებ ინფორმაცია დადასტურდა და უახლოეს მომავალში Ryanair თბილისის მიმართულებით ფრენებს დაიწყებდა.