საქართველოში მძიმე ეპიდვითარებაა. პანდემიის დაწყებიდან დღემდე, ბოლო 24 საათში ყველაზე მეტი, 45 კოვიდინფიცირებული გარდაიცვალა. ინფიცირების დღიური მაჩვენებელი კი 3000-ს უახლოვდება.
სპეციალისტები მოქალაქეებს რეგულაციების მკაცრი დაცვისაკენ კიდევ ერთხელ მოუწოდებენ.
ინფექციური პათოლოგიებისა და შიდსის ცენტრის დირექტორის თენგიზ ცერცვაძის განცხადებით, ნოემბრის ბოლოს მოსალოდნელია შემთხვევების მკვეთრი მატება.
“ფიქსირდება ახალი შემთხვევების ძალიან მაღალი მაჩვენებლები. ეპიდემიოლოგების პროგნოზით, ნოემბრის ბოლოს შესაძლოა ეს მატება 3000-ს გადასცდეს. ევროპაში გამოაცხადეს სრული ან ნაწილობრივი ლოკდაუნი. საქართველომაც რომ გამოაცხადოს ლოკდაუნი, უფრო მარტივი იქნება,”- განაცხადა თენგიზ ცერცვაძემ.
