საქართველო რუსეთის წინააღმდეგ საერთაშორისო სანქციებს ასრულებს, ინდივიდუალურ სანქციას არ დავაწესებთ, რადგან ეს ჩვენი ხალხის ინტერესებში არ შედის, – ამის შესახებ „ხალხის ძალის“ წევრმა, გურამ მაჭარაშვილმა განაცხადა.
მისი თქმით, შემოსავლების სამსახურის მიერ მიღებული გადაწყვეტილება იმის დასტურია, რომ საქართველო საერთაშორისო სანქციებს იცავს.
„ოპოზიციას დღე და ღამე საქართველოში შავი ხვრელები ელანდება და ამას არ ადასტურებს ის დელეგაცია, რომელიც საქართველოში იმყოფებოდა. შემოსავლების სამსახურის მიერ მიღებული გადაწყვეტილება იმის დასტურია, რომ საქართველო საერთაშორისო სანქციებს იცავს, მაგრამ როცა საუბარია ინდივიდუალური სანქციების დაწესებაზე, ეს არის საქართველოს წინააღმდეგ გადასადგმელი ნაბიჯი თან იმ ფონზე, როცა რუსეთთან არც ევროკავშირს, არც უკრაინას და არც ამერიკას სავაჭრო ურთიერთობები არ გაუწყვიტავთ“, – განაცხადა მაჭარაშვილმა.
