საქართველო-რუსეთის საზღვარზე რუსი მესაზღვრეები თურქ მძღოლებს არ ატარებენ

news
ავტ.: news ნოემბერი 25, 2015 19:45

საქართველო-რუსეთის საზღვარზე რუსი მესაზღვრეები თურქ მძღოლებს არ ატარებენ

ლარსის სასაზღვრო გამშვებ პუნტქთან ამ დროისთვის რამდენიმე ათასი სატვირთო ავტომობილია გაჩერებული, რომლებსაც რუსი მესაზღვრეები ქვეყნის ტერიტორიაზე არ უშვებენ.

თურქულნომრიანი სატვირთო ავტომანქანების მძღოლებს რუსი მესაზღვრეები შემომწების გარეშე აბრუნებენ უკან. ერთ-ერთი მძღოლის ინფორმაციით, მესაზღვრეებმა რამდენიმე თურქიც სცემეს. შეზღუდვები ლარისის გამშვები პუნქტის რუსეთის მონაკვეთზე, მხოლოდ თურქეთის მოქალაქეებზე და ავტომანქანებზე ვრცელდება. არსებული ინფორმაციით, სხვა ტრანსპორტი საზღვარზე შეუფერხებლად გადაადგილდება.

შეგახსენებთ, რომ საჰაერო სივრცის დარღვევის გამო, თურქეთის ავიაციამ რუსული სამხედრო თვითმფრინავი სუ-24 თურქეთ-სირიის საზღვართან ახლოს გუშინ ჩამოაგდო. რუსეთის ფედერაციის პრეზიდენტი ვლადიმერ პუტინი თურქეთის მიერ რუსული სუ-24-ის ჩამოგდების ფაქტს ზურგში დანის ჩარტყმად აფასებს და აცხადებს, რომ ეს შემთხვევა სცილდება ტერორიზმთან ბრძოლას.

მომხდარი ინციდენტის შემდეგ რუსეთის საგარეო საქმეთა მინისტრმა სერგეი ლავროვმა, რუსეთის მოქალაქეებს მოუწოდა, უსაფრთხოების მიზნით თურქთში წასვლისგან თავი შეიკავონ. ამასთან რუსეთის ტურიზმის ფედერალურმა სააგენტომაც გაავრცელა განცხადება, რომლითაც ტუროპერატორებსა და ტურაგენტებს თურქეთში ტურების გაყიდვისგან თავის შეკავებას ურჩევენ.

 

წყარო: www.pia.ge

news
ავტ.: news ნოემბერი 25, 2015 19:45

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,150
ვიზიტორი
დღეში
Powered By Google Analytics