საქართველოში ამერიკის შეერთებული შტატების საელჩო აგვისტოს ომის 8 წლისთავს ეხმაურება. როგორც საელჩო განმარტავს,
მიესალმება მათ, ვინც იცავს საქართველოს სუვერენიტეტსა და დამოუკიდებლობას, რის ხაზგასასმელადაც აშშ-ის სახელმწიფო მდივნის, ჯონ კერის მიერ საქართველოში 2016 წლის ივლისში განხორციელებული ვიზიტისას გაკეთებული განცხადება მოჰყავს.
“საქართველო-რუსეთის კონფლიქტის მე-8 წლისთავზე, მივესალმებით, მათ, ვინც იცავს საქართველოს სუვერენიტეტსა და დამოუკიდებლობას, და ვიმეორებთ სახელმწიფო მდივნის ჯონ ქერის სიტყვებს, ნათქვამს 2016 წლის ივლისში მისი საქართველოში ვიზიტით ყოფნისას: „ამერიკის შეერთებული შტატები მტკიცედაგრძელებს საქართველოს სუვერენიტეტისა და ტერიტორიული მთლიანობის მხარდაჭერას. მიუღებელია რუსეთის მიერ საქართველოს ტერიტორიის ნაწილებისოკუპაცია და მილიტარიზაცია. ჩვენ კვლავაც მოვუწოდებთ რუსეთს შეასრულოს 2008 წლის ცეცხლის შეწყვეტის შეთანხმებით ნაკისრი ვალდებულებები, მათ შორის,რუსეთის შეიარაღებული ძალების დაბრუნება კონფლიქტის დაწყებამდე არსებულ პოზიციებზე და ჰუმანიტარული დახმარების დაუბრკოლებლად განხორციელების შესაძლებლობის უზრუნველყოფა”, – ნათქვამია აშშ-ს საელჩოს განცხადებაში.