საქართველო, როგორც სახელმწიფო, ალბათ უკვე აღარ არსებობს – გავრილოვი

region
: region ივლისი 11, 2019 15:12

საქართველო, როგორც სახელმწიფო, ალბათ უკვე აღარ არსებობს – გავრილოვი

საქართველო, როგორც სახელმწიფო, ალბათ უკვე აღარ არსებობს – ეს განცხადება, რუსეთის დუმის დეპუტატმა, სერგეი გავრილოვმა გააკეთა.

მართლმადიდებლობის საპარლამენტთაშორისო ასამბლეის თავმჯდომარემ, რუსეთის დუმის დეპუტატმა რუსეთის პარლამენტის ფედერაციის საბჭოს სახელმწიფო სუვერენიტეტის კომისიის სხდომაზეთქვა, რომ მართლმადიდებლობის საპარლამენტთაშორისო ასამბლეის მონაწილეებმა დაგმეს საქართველოს ხელისუფლების მოქმედებები, რომლებმაც დაუშვეს რადიკალების პროვოკაცია ასამბლეის სესიის დროს, თუმცა არანაირი ბოდიში არც რუსეთს და არც მართლმადიდებლობის საპარლამენტთაშორისო ასამბლეაში შემავალი სხვა ქვეყნების დელეგაციებს საქართველოსგან არ მიუღია.

მისი განცხადებით, მართლმადიდებლობის საპარლამენტთაშორისო ასამბლეის საერთაშორისო დელეგაციების წინააღმდეგ მოწყობილი პროვოკაციის დროს საქართველოს ხელისუფლება უმოქმედო იყო. მისივე თქმით, „საქართველო, როგორც სახელმწიფო, ალბათ უკვე აღარ არსებობს, ის არის სათამაშო გარედან მანიპულაციისთვის“.

რუსეთის დუმის დეპუტატი მიიჩნევს, რომ პროვოკატორების მთავარი მიზანი, რომლებიც იყენებდნენ ანტირუსულ ლოზუნგებს და ცდილობდნენ მართლმადიდებლური ღირებულებების დისკრედიტირებას, იყო სახელმწიფო გადატრიალების მოწყობა. „ისინი ცდილობდნენ დაესამარებინათ ქვეყნის ცივილიზებული განვითარება“, – აცხადებს გავრილოვი.

region
: region ივლისი 11, 2019 15:12

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,600
ვიზიტორი
დღეში
Powered By Google Analytics