“საქართველო დადექი!” – დედაქალაქში “ოცნების” წინააღმდეგ მასშტაბური აქცია იმართება. რუსთაველის გამზირი უკვე გადაიკეტა. მოქალაქეების ნაწილი დედაქალაქის ცენტრალური გამზირისკენ მსვლელობით მიდის.
რუსთაველის გამზირზე მიმდინარე საპროტესტო აქციაზე საქართველოსა და ევროკავშირის დროშები გაშალეს.
აქციაზე იმყოფებიან ოპოზიციური პოლიტიკური პარტიების და არასამთავრობო ორგანიზაციების წარმომადგენლებიც.
„ლელო – ძლიერი საქართველოს“ წევრები, მხარდამჭერებთან ერთად, მარჯანიშვილის მოედნიდან მსვლელობით შეუერთდნენ რუსთაველის გამზირზე აქციას.
აქციის მონაწილეების განცხადებით, მნიშვნელოვანია, „ქართულ ოცნებას“ აჩვენონ, რომ ბრძოლა საქართველოს გადასარჩენად არ შეწყდება და ერთიანობით, აქტიურობით გამარჯვებას მიაღწევენ.
