ექსპრეზიდენტი მიხეილ სააკაშვილი, საქართველოში დაბრუნებას, ახლო მომავალში არ აპირებს.
როგორც ცნობილი გამოცემა “POLITICO” წერს, მიხეილ სააკაშვილი მზად იქნება, უკრაინის პრემიერ-მინისტრობა თავის თავზე აიღოს, რათა ევროპაში კრემლის ექსპანსიის მიმართ ქვეყნის წინააღმდეგობა გაამყაროს.
„მსურს დიდ ცვლილებებსა და რეფორმებში მივიღო მონაწილეობა და რა კომპეტენციითაც შემიძლია ამის გაკეთება – მე შემიძლია ამის გაკეთება“,- განუცხადა მან “POLITICO”-ს პრემიერ-მინისტრობის პოტენციურ კამპანიასთან დაკავშირებით დასმულ კითხვაზე პასუხისას.
მოახლოებული არჩევნების ფონზე აპირებს თუ არა საქართველოში დაბრუნებას, ამ კითხვაზე სააკაშვილმა უპასუხა, რომ ეს პენსიაზე გასვლის შემდგომ გეგმებში შედის.
„მე ღრმად ვარ ჩართული უკრაინის საკითხებში და არ ვფიქრობ, რომ უნდა გადავხტე გემიდან და საქართველოში უკან გავცურო. საქართველო ჩემი, მხოლოდ საპენსიო გეგმაა“, – განაცხადა სააკაშვილმა.