საქალაქო სასამართლოს სამივე კოლეგიის საერთო შენობისთვის დამატებით 12 მილიონს ითხოვენ

ქეთი ფერაძე
ავტ.: ქეთი ფერაძე მარტი 26, 2018 13:19

საქალაქო სასამართლოს სამივე კოლეგიის საერთო შენობისთვის დამატებით 12 მილიონს ითხოვენ

იუსტიციის უმაღლესი საბჭოს არამოსამართლე წევრი ნაზი ჯანეზაშვილი, თბილისის საქალაქო სასამართლოს სამივე კოლეგიისთვის ერთი შენობის აშენების ინიციატივას აკრიტიკებს.

თბილისის საქალაქო სასამართლოს ამ დროისთვის ერთი მოქმედი შენობა აქვს, მეორის მშენებლობა მიმდინარეობს, მესამე შენობის პროექტი კი არსებობს, რომლისთვისაც დაახლოებით 34 მლნ ლარია საჭირო.

საერთო სასამართლოების დეპარტამენტის წარმომადგენლები 34 მილიონი ლარის კიდევ 12 მილიონით გაზრდას და ერთი მასშტაბური შენობის აშენებას ითხოვენ, სადაც თბილისის საქალაქო სასამართლოს სამივე კოლეგია განთავსდება.

ნაზი ჯანეზაშვილი ამბობს, რომ თუ ახალი შენობა აშენდება, მაშინ არსებული შენობა და ის, რომლის მშენებლობაც მიმდინარეობს, საქალაქო სასამართლოს აღარ დასჭირდება, რაც ნიშნავს, რომ სახელმწიფოს დამატებითი ხარჯის გაღება მოუწევს.

„წინა სხდომაზე წევრების მხრიდან, უმრავლესობის მიერ დაყენებული იყო საკითხი, რომ ჩვენ მოვითხოვოთ, დამატებით, დაახლოებით, 12 მლნ ლარი იმისთვის, რომ ეს მესამე შენობა იყოს, არა მცირე ზომის და მხოლოდ ერთი კოლეგიისთვის, არამედ სამივე კოლეგიისთვი9ს ერთიანი დიდი შენობა, ამაზე, რა თქმა უნდა, მე მქონდა საკმაოდ კრიტიკული მოსაზრება, ვინაიდან, ვფიქრობ, რომ სახელმწიფოსგან დამატებით, ასეთი დიდი რაოდენობის თანხის მოთხოვნა არის არარაციონალური, ვინაიდან, ჩვენ გვაქვს უკვე ორი შენობა.“ – განაცხადა ნაზი ჯანეზაშვილმა.

ქეთი ფერაძე
ავტ.: ქეთი ფერაძე მარტი 26, 2018 13:19

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


8,646
ვიზიტორი
დღეში
Powered By Google Analytics