იუსტიციის უმაღლესი საბჭოს თავმჯდომარემ და საბჭოს მდივანმა საქალაქო სასამართლოს მოსამართლეებს ახლად არჩეული თავმჯდომარე გიორგი მიქაუტაძე წარუდგინეს.
საქალაქო სასამართლოს მოსამართლეებმა გიორგი მიქაუტაძეს წარმატებები უსურვეს და ხშირი თანამშრომლობის იმედი გამოთქვეს. შეხვედრას საქალაქო სასამართლოს ყოფილი თავმჯდომარე მამუკა ახვლედიანი არ ესწრებოდა.
როგორც ჟურნალისტებს იუსტიციის უმაღლესი საბჭოს თავმჯდომარემ ნინო გვენეტაძემ განუცხადა, ახვლედიანი შვებულებაში იმყოფება. “მე ვიცი, რომ საქალაქო სასამართლოს ყოფილი თავმჯდომარე შვებულებაშია. მისი გადასაწყვეტია, დაესწრებოდა თუ არა ის შეხვედრას”, – აღნიშნა გვენეტაძემ.
დღესვე საქალაქო სასამართლოს მოსამართლეებს იუსტიციის უმაღლესი საბჭოს თავმჯდომარემ და მდივანმა კოლეგიების თავმჯდომარეები წარუდგინეს.