თბილისის საქალაქო სასამართლომ ე. წ. გაბათილებული ბიულეტენების საქმეზე საჩივარი არ დააკმაყოფილა.
საქმე ეხება, საბურთალოს ოლქში გაბათილებულ 4017 ბიულეტენს, სადაც ამომრჩეველმა თავისი ნება გრიგოლ ვაშაძის სასარგებლოდ დააფიქსირა და ადვოკატის თქმით, გადახაზა სალომე ზურაბიშვილი და შემოხაზა გრიგოლ ვაშაძე.
ცნობილია, რომ საარჩევნო კომისიამ ასეთი ბიულეტენები განხილვის გარეშე ბათილად სცნო.