საქართველოს პრეზიდენტის არჩევნებისთვის ამ დროისთვის ცესკოში 9 კანდიდატია რეგისტრირებული. ამის შესახებ ცესკოს სპიკერმა ანა მიქელაძემ ბრიფინგზე განაცხადა. მისი თქმით, პრეზიდენტობის მსურველმა კანდიდატებმა ცესკოში ამომრჩეველთა ხელმოწერები 18 სექტემბრის ჩათვლით უნდა წარადგინონ.
“ცესკოში ამ დროისთვის რეგისტრირებულია 9 კანდიდატი. მოგეხსენებათ, 18 სექტემბრის ჩათვლით ცენტრალურ საარჩევნო კომისიაში უნდა იყოს წარმოდგენილი ამომრჩეველთა ხელმოწერები. გარდა ამისა, შეგახსენებთ, რომ კანდიდატების რეგისტრაციის ბოლო ვადა არის არჩევნებამდე არაუგვიანეს 30 დღისა, რაც არის 28 სექტემბერი”,- განაცხადა მიქელაძემ.
