საფრანგეთში ტერორიზმში ეჭვმიტანილი შვიდი პირი დააკავეს. დაკავებულები 28-დან 48 წლამდე პირები არიან. მათ ბრალად ედებათ ტერორისტული გაერთიანების შექმნა და ტერორიზმის დაფინანსება – ამის შესახებ ინფორმაცია, 27 აპრილს, ფრანგმა სამართალდამცველებმა გაავრცელეს.
დაკავებულთაგან ექვსი რუსეთშია დაბადებული, მეშვიდე – საქართველოს მოქალაქეა, ყველა მათგანს ჩეჩნურ გაერთიანებებთან აქვთ კავშირი. ეჭვიტმანილები საფრანგეთის სხვადასხვა ქალაქში დააკავეს. იმავე დღეს ტერორისტული საქმიანობისთვის დანიაშიც ექვსი პირი დააკავეს.
საფრანგეთში, უკანასკნელი წლების მანძილზე, არა ერთხელ მოხდა ტერორისტული თავდასხმა. 23 აპრილს პარიზთან ახლოს 36 წლის ტუნისელი 49 წლის პოლიციის თანამშრომელს, რომელიც შესვენებიდან ბრუნდებოდა და განყოფილების შენობაში შედიოდა, თავს დაესხა და დანით ყელი გამოჭრა. მომხდარს ქვეყნის პრემიერ-მინისტრმა ბარბარიზმი და ტერაქტი უწოდა.