პარიზის ჩრდილო-დასავლეთ გარეუბანში მამაკაცმა გამვლელ ქალებს ცივი იარაღით ჭრილობები მიაყენა.
თავდასხმის შედეგად 19, 24 და 36 წლის სამი ქალი დაშავდა — ისინი საავადმყოფოში არიან გადაყვანილები.
გავრცელებული ინფორმაციით, ერთ-ერთი დაშავებული ორსულადაა, ხოლო ორი მათგანის ჯანმრთელობის მდგომარეობა კრიტიკულად მძიმეა.
პოლიციამ თავდამსხმელის გაუვნებელყოფა და დაკავება უკვე შეძლო. ამ ეტაპზე თავდასხმის მოტივი უცნობია და სამართალდამცველებს მომხდარისთვის ტერაქტის კვალიფიკაცია არ მიუნიჭებიათ.
