საფრანგეთში ბანკომატებიდან 270 000 ევროს მოპარვაში ბრალდებულები დააკავეს, მათ შორის საქართველოს მოქალაქეც არის.
როგორც „ლე პარიზიენი“ წერს, ბოროტმოქმედები ფულს ბანკომატების გატეხვის გარეშე იპარავდნენ.
გამოძიების მიხედვით, დანაშაულებრივი ჯგუფის სამმა წევრმა, 30-ზე მეტ ბანკომატში ჰაკერული პროგრამის დახმარებით შეაღწია. როგორც ირკვევა დამნაშავეები ამ მეთოდს 2018 წლის სექტემბრიდან მიმართავდნენ. ისინი პოლიციამ გასულ კვირას აიყვანა.
დაპატიმრებულია ბელორუსის, ლიეტუვისა და საქართველოს მოქალაქე.