საფრანგეთში ავტოსაგზაო შემთხვევის შედეგად, 28 წლის ქართველი მორაგბე დაიღუპა. ბექა ბურდიაშვილი „გროლეს“ მოთამაშე იყო (საქართველოს ნაკრებში არ უთამაშია) და “ლავორთან” მორიგ მატჩზე მიემგზავრებოდა. თანაგუნდელებმა აღნიშნულის შესახებ თამაშის დაწყებამდე გაიგეს, როცა ტრადიციული სადილისთვის შეიკრიბნენ.
მომხდარის გამო, თამაში არ შედგა.
ფრანგულმა მედიასაშუალებამ, რომელმაც აღნიშნული ინფორმაცია გაავრცელა, დაღუპულის ოჯახს და კლუბს მიუსამძიმრა. განაცხადება გაავრცელა თავად კლუბმაც.
