საპატრიარქოს ტელევიზია „ერთსულოვნების“ დირექტორად ქაშუეთის ტაძრის წინამძღვარი, დეკანოზი მიქაელ ფოფხაძე დაინიშნა. ამის შესახებ ინფორმაცია საქართველოს საპატრიარქოს ვებგვერდზეა გამოქვეყნებული.
“10 მარტიდან ჭყონდიდელი მიტროპოლიტი პეტრე (ცაავა) განთავისუფლდა საპატრიარქოს ტელევიზია „ერთსულოვნების“ დირექტორის თანამდებობიდან. აღნიშნული ტელევიზიის ხელმძღვანელად დაინიშნა ქაშუეთის ტაძრის წინამძღვარი, დეკანოზი მიქაელ ფოფხაძე“, – აღნიშნულია ინფორმაციაში.
მეუფე პეტრემ აღნიშნული თანამდებობა წმინდა სინოდის გადაწყვეტილებით დატოვა. ის დღეს თანამშრომლებს დაემშვიდობა.