ხვალიდან შპს „საქართველოს საინჟინრო აკადემია, სამეცნიერო-ტექნიკური ცენტრი” საპატრიარქოს სადეზინფექციო ხსნარს მიაწვდის, – ამის შესახებ საპატრიარქოს პრესსამსახურის ხელმძღვანელი, დეკანოზი ანდრია ჯაღმაიძე Facebook-ზე წერს.
„ხვალიდან შპს „საქართველოს საინჟინრო აკადემია, სამეცნიერო-ტექნიკური ცენტრი” ეკოლოგიურად სუფთა სადეზინფექციო ხსნარს მიაწვდის საპატრიარქოს, საიდანაც ნებისმიერ ტაძარს საშუალება ექნება მისთვის საჭირო რაოდენობა გაიტანოს და მიიღოს საჭირო ინფორმაცია ხსნარის გამოყენების შესახებ“, – წერს დეკანოზი ანდრია ჯაღმაიძე.
დაავადებათა კონტროლის ეროვნული ცენტრის დირექტორმა ამირან გამყრელიძემ გუშინ განაცხადა, რომ ტაძრებში სადეზინფექციო სამუშაოების ჩატარებისთვის საპატრიარქოსგან ოფიციალურ მიმართვას ელოდებიან.
