საპატრიარქო – „ნამახვანჰესისა“ და დავით გარეჯის საკითხები განსხვავებულია, მათი ერთ სივრცეში მოქცევა არასწორია

ყველას ვთხოვთ, გაითვალისწინონ, რომ „ნამახვანჰესისა“ და დავით გარეჯის საკითხები განსხვავებულია მრავალი ნიშნით და მათი ერთ სივრცეში მოქცევა სწორი არ არის, – ამის შესახებ საქართველოს საპატრიარქოს საზოგადოებასთან ურთიერთობის სამსახურის განცხადებაშია აღნიშნული.

„ნამახვანჰესთან“ მიმართებაში საინფორმაციო საშუალებებით კეთდება გარკვეული მოწოდებები 9 მაისს გასამართ აქციასთან დაკავშირებით, სადაც გაჟღერდა დავით გარეჯის თემაც.

ყველას ვთხოვთ, გაითვალისწინონ, რომ ეს ორი საკითხი განსხვავებულია მრავალი ნიშნით და მათი ერთ სივრცეში მოქცევა სწორი არ არის. მით უმეტეს, დავითგარეჯასთან რაიმე პოლიტიკური მიმართულების დაკავშირება.

ამ ეტაპზე ჩვენ ველოდებით მეზობელ აზერბაიჯანთან პრობლემის ისტორიული, იურიდიული და კარტოგრაფიული დოკუმენტებით სამართლიანობის პრინციპით გადაწყვეტას“, – ნათქვამია განცხადებაში.

რეკლამის ბანერი
წინა სტატიაშიიოსელიანი – გამოსავალი შემდეგ ფორმულაშია, პატიმრები უნდა გამოვიდნენ, ოპოზიციამ რიგგარეშე არჩევნებზე უარი უნდა თქვას
შემდეგი სტატიათავდამსხმელმა 4 მძევალი აიყვანა – “საქართველოს ბანკი” განცხადებას ავრცელებს