საოკუპაციო ხაზის მიმდებარე სოფელ ხურვალეთში დღეს ამერიკელი კონგრესმენები იმყოფებოდნენ. ისინი ადგილობრივებს შეხვდნენ და გამყოფ ხაზზე შექმნილ ვითარებას გაეცნენ.
კონგრესმენებმა მოისმინეს ინფორმაცია მცოცავი ოკუპაციის შედეგად მოსახლეობისთვის შექმნილი პრობლემების შესახებ. დელეგაცია საქართველოში ამერიკა-საქართველოს მეგობრობის ასოციაციის მოწვევით იმყოფება.
ვიზიტის ფარგლებში დაგეგმილია შეხვედრები პრემიერ მინისტრთან და საგარეო საქმეთა მინისტრთან.
“უპირველესად ჩვენი ვიზიტის მიზანი იყო, გვენახა რას აკეთებენ აქ რუსები. ჩვენთვის მნიშვნელოვანია ვიცოდეთ, როგორ არღვევს რუსეთი საქართველოს სუვერენიტეტსა და ტერიტორიულ მთლიანობას. მსოფლიომ ამ საკითხს ყურადღება უნდა მიაქციოს, რადგან იგივე შესაძლოა სხვაგანაც განმეორდეს,” – განაცხადა დუნკან ჰანტერმა.