17 წლის დიმიტრიოს პაგურტზისს, რომელმაც გუშინ ტეხასის შტატში, ქალაქ სანტა-ფეს სკოლაში ცეცხლი გახსნა, ოფიციალურად წაუყენეს მკვლელობაში ბრალი. გალვესტონის მხარის შერიფის ოფისში დაადასტურეს, რომ სროლის შედეგად 10 ადამიანი გარდაიცვალა – 9 მოსწავლე და ერთი მასწავლებელი. ეჭვმიტანილი რეგიონალურ ციხეშია გადაყვანილი, ის დაპატიმრებულია გირაოს უფლების გამოყენების გარეშე. შესაძლებელია მას ბრალი დაუმძიმდეს – სამართალდამცველები ავრცელებენ.
დიმიტრიოს პაგურტზისს ახლობლები აღწერენ როგოც მშვიდ და შეუმჩნეველ მოზარდს. ის სკოლის საფეხბურთო გუნდის ფეხბურთელი იყო.
ორგანიზაცია Everytown for Gun Safety Support Fund-ის ინფორმაციით, 2013 წლიდან აშშ-ს სასწავლო დაწესებულებებში ცეცხლსასროლი იარაღით თავდასხმის 313 შემთხვევა დაფიქსირდა, მათგან 43 მიმდინარე წელს მოხდა.