დაწესებული სანქციები რუსეთში კომპანიების 86%-ზე მეტის მუშაობაზე ახდენს გავლენას, – რუსული მედიის ინფორმაციით, ამის შესახებ მეწარმეთა უფლებების დაცვის საკითხებში პრეზიდენტის წარმომადგენლის აპარატის მიერ მომზადებულ ანგარიშშია აღნიშნული.
„სანქციები გამოკითხული მეწარმეების 86.8%-ს შეეხო. მათი 77.4%-მა სანქციებთან ადაპტირება მიახერხა ან იმედი აქვს, რომ ამას შეძლებს. 11.7%-მა კი ეს ვერ შეძლო და ბიზნესი მთლიანად ან ნაწილობრივ შეაჩერა,”- ნათქვამია ანგარიშში.
გამოკითხვაში მონაწილეობა მიიღეს რუსეთის 85 რეგიონის 6 ათასზე მეტი კომპანიის მფლობელებმა და ხელმძღვანელებმა. მონიტორინგის მონაცემების თანახმად, რესპონდენტთა აბსოლუტური უმრავლესობა, 67.1%, ეკონომიკური ვარდნის შედეგებს განიცდის.