კიევზე თავდასხმას ეხმაურება მოლდოვის პრეზიდენტი მაია სანდუ.
„კიევზე რუსული რაკეტებითა და დრონებით განხორციელებული თავდასხმების ფართომასშტაბიანი ტალღა ომის დანაშაულია. მშვიდობიანი მოსახლეობის მკვლელობა ომის დანაშაულია. თავისუფალი მსოფლიოს პასუხი უნდა იყოს უკრაინისადმი მეტი მხარდაჭერა, რუსეთზე მეტი ზეწოლა“, – წერს სანდუ სოციალურ ქსელში.
ინფორმაციისთვის, კიევის მერის ვიტალი კლიჩკოს განცხადებით, კიევზე რუსების იერიშებს ორი ადამიანი ემსხვერპლა, კიდევ 44 კი დაშავდა.
