ამ წუთებში სანდრა რულოვსმა გიგა ოთხოზორიას მკვლელობის ადგილი გვირგვინით შეამკო, როგორც „თაიმერის“ სამეგრელოს ბიურო იუწყება, „ნაცმოძრაობის“ ზუგდიდის რაიონის მაჟორიტარობის კანდიდატი სანდრა რულოვსი სოფელ ხურჩაში-ე.წ ადმინისტრაციულ საზღვართან იმყოფება. ჩვენი კორესპონდენტის ცნობით, რულოვსმა ადგილობრვებს „ხურჩაობა“ იმ ადგილიდან მიულოცა, სადაც რამდენიმე თვის წინ, აფხაზმა სეპარატისტებმა გიგა ოთხოზორია მოკლეს. სანდრა რულოვსმა ოთხოზორიას ხსოვნას პატივი მიაგო – სანთლეები აანთო და ტერიტორია გვირგვინით შეამკო.
„გიგა პატრიოტი, ვაჟკაცი იყო და ამიტომ მოკლეს. ეს მხოლოდ ხურჩის ტკივილი არაა. არამედ, ხურჩა არის საქართველოს ტკივილი,“ – აღნიშნა ყოფილმა პირველმა ლედიმ და დასძინა, რომ ოთხოზორიას ოჯახში იმყოფებოდა.
შეგახსენებთ, რომ 19 მაისს, დაახლოებით 14:30 საათზე, აფხაზეთის ე.წ ადმინისტრაციულ საზღვართან ზუგდიდის მუნიციპალიტეტის სოფელ ხურჩაში, რუსმა ოკუპანტებმა გალის რაიონის მკვიდრი, 31 წლის გიგა ოთხოზორია მოკლეს.