“სამწუხაროდ, ახლა სასამართლოში მიწევს ჩემი სიმართლის და უფლებების დაცვა”, – ამ შინაარსის “პოსტს” აქვეყნებს სოციალურ ქსელში დიმიტრი ჯამბურია.
ის, მადლობას უხდის გამოცდების ეროვნული ცენტრის გუნდს.
“20 წლის მუშაობის შემდეგ დღეს იყო გამოცდების ეროვნული ცენტრში ჩემი მუშაობის ბოლო დღე. დიდი მადლობა თანამშრომლებს, რომლებთანაც 20 წლის მანძილზე ბევრი კარგი საქმე გავაკეთეთ და ამაყად ვემსახურებოდით საქართველოს ნათელ მომავალს. სამწუხაროდ, ახლა სასამართლოში მიწევს ჩემი სიმართლის და უფლებების დაცვა.
სიმართლე აუცილებლად გაიმარჯვებს.
ისე რა კარგია, რომ პოლიტიკური შეხედულებების გამო აღარ ხდება ადამიანების სამსახურიდან გათავისუფლება და ტროტუარზე დგომის გამო არ იჭერენ ხალხს.
ცეცხლი ოლიგარქიას” – წერს დიმიტრი ჯამბურია სოციალურ ქსელში.
