აჭარის პროკურატურის მიერ დაკავებული მოქმედი და ყოფილი მაღალჩინოსნების დაკავებას გია ვოლსკი ეხმაურება და ამბობს, რომ ეს არის სტანდარტი, რომელიც უნდა დამკვიდრდეს და მომავალშიც უნდა გაგრძელდეს:
„ძალიან სამწუხარო ფაქტია. მათ შორის ბევრს კარგად ვიცნობ, მაგრამ ეს არ განაპირობებს არავითარ შეღავათს, იქ თუ რაიმე გადაცდომაა და კორუფციასთან გვაქვს საქმე. უნდა დაველოდოთ გამოძიებას. ექსტრაორდინალურს ამას დავარქმევ მხოლოდ იმ შემთხვევაში, თუ გავითვალისწინებთ დაკავებულთა რაოდენობას. რაც შეეხება მიდგომას დარღვევებისა და გადაცდომების მიმართ, ეს არის სტანდარტი, რომელიც უნდა დამკვიდრდეს და მომავალშიც უნდა გაგრძელდეს“, – განაცხადა გია ვოლსკიმ.