სამტრედიაში ავტოსაგზაო შემთხვევის შედეგად სამი პირი დაშავდა.
არსებული ინფორმაციით, შემთხვევა ცოტა ხნის წინ, რესპუბლიკის ქუჩაზე მოხდა. თვითმხილველების თქმით, ერთმანეთს რამდენიმე ავტომობილი შეეჯახა.
დაშავებულები – ორი ქალი და ერთი მამაკაცი, სასწრაფო-სამედიცინო დახმარების ბრიგადებმა სამტრედიის „ჯეო ჰოსპიტალსში“ გადაიყვანეს.
ამ დროისთვის მათ უტარდებათ შესაბამისი სამედიცინო კვლევები. მომხდარზე დაწყებულია გამოძიება.
