კომპანია Samsung-მა სმარტფონების ახალი მოდელი Galaxy Note 7, რომელიც გაყიდვაში აგვისტოში გამოჩნდა, ელემენტების დამუხტვის დროს, სმარტფონის გადახურების გამო, გაყიდვიდან ამოიღო. კომპანია უკვე გაყიდული ტელეფონების გაწვევასაც აპირებს.
გუშინ, მას შემდეგ რაც გავრცელდა, რომ სმარტფონის ელემენტს ცეცხლი ეკიდება დამუხტვისას, კომპანიის აქციებმა 2%-ით დაიკლო. სოციალურ ქსელებსა და “იუთუბზე” ვიდეოები გამოჩნდა, რომელიც ამ ინფორმაციას ადასტურებს.